១. ព័ត៌មានទូទៅ
RootKit គឺជាប្រភេទនៃកម្មវិធីលួចទិន្នន៍យ ដែលជាទូទៅគឺមានបំណងមិនល្អ ហើយត្រូវបានគេបង្កើតឡើងដើម្បីលាក់នូវដំណើរការ វាត្រូវបានបង្កើតឡើងដោយមិនងាយត្រួតពិនិត្យរកឃើញ បើទោះជាពេលខ្លះ Rootkit អាចត្រូវបានប្រើប្រាស់ដោយអ្នកបច្ចេកទេស ដើម្បីជួយសម្រយលការងារពីចម្ងាយក្នុងផ្លូវត្រឹមត្រូវក៏ដោយ ភាគច្រើននៃ Rootkit បង្ករឱ្យមានជាទ្វារក្រោយ (backdoor) សម្រាប់ អ្នកវាយប្រហារអាចចូលមកគ្រប់គ្រងប្រព័ន្ធ ឬកុំព្យូទ័របាន ដើម្បីបញ្ចូលនូវមេរោគផ្សេងៗតាមតម្រូវការរបស់អ្នកវាយប្រហារ។
Rootkit អាចត្រូវបានដំឡើងដោយអ្នកវាយប្រហារ តាមវិធីសាស្ត្រមួយចំនួនដូចជា Phishing ឬ Social Engineering ដែលជា វិធីសាស្ត្រមួយក្នុងការបោកបញ្ឆោតអ្នកប្រើប្រាស់អោយធ្វើការបញ្ជូល Rootkit ទោក្នុងកុំព្យូទ័រ ដែលជាហេតុ នាំឱ្យអ្នកវាយប្រហារ អាចភ្ជាប់មកកាន់កុំព្យូទ័រ ហើយមានសិទ្ធពេញលេញដូចនិងអ្នកប្រើប្រាស់ដែរ។
២. ដំណើរការ និងផលប៉ះពាល់
នៅពេលដែល Rootkit បានដំឡើងនៅក្នុងកុំព្យូទ័ររួចរាល់ វានិងធ្វើការលាក់ខ្លួនរហូតទាល់តែមានការបញ្ជាភ្ជាប់ពីអ្នកវាយប្រហារ Rootkit ជាទូទៅអាចមានផ្ទុកនូវកម្មវិធីដែលមិនល្អដ៏ទៃទៀតដូចជា កម្មវធីសម្រាប់លួចយកព័ត៌មានគណនីធនាគារ ព័ត៌មានលេខ សំងាត់ កម្មវិធី keylogger មុខងារបិទនូវកម្មវធីកម្ចាត់មេរោគ និងភ្ជាប់កុំព្យូទ័រទៅកាន់ម៉ាស៊ីនកុំព្យូទ័រមេរបស់អ្នកវាយប្រហារ ដើម្បី អាចបញ្ជាធ្វើការវាយប្រហារទៅលើគោលដៅណាមួយជាលក្ខណៈ DDoS (Distribute Denial of Services) ជាដើម។
៣. វិធីសាស្ត្រការពារ
- ចូរធ្វើការបញ្ចូលកម្មវិធីពីប្រភពដែលជឿជាក់ប៉ុណ្ណោះ ចំពោះកម្មវិធីណាដែលមិនចាំបាច់ គួរតែមិនមិនចាំបាច់តំឡើងឡើយ
- ប្រើប្រាស់នូវ firewall ដែលខ្លាំង ដែលធ្វើឲ្យមានភាពលំបាកសម្រាប់អ្នកវាយប្រហារ ប្រើប្រាស់នូវកុំព្យូទ័រដែលរងគ្រោះ (ដែលឆ្លង)
- ធ្វើការស្កេននូវមេរោគឲ្យបានទៀងទាត់
- បិទនូវកុំព្យូទ័រដែលយើងសង្ស័យថាបានឆ្លង ហើយធ្វើការត្រួតពិនិត្យដោយដំណើរការវាចេញពីឧបករណ៍ដែលអ្នកទុកចិត្ត (ដូចជា CD-Rom ឬក៍ USB-Flash drive)
- ធ្វើការត្រួតពិនិត្យ និងសន្និដ្ឋានទៅលើវត្តមាននៃ Rootkit ដោយការមើលទៅលើចំនុចផ្សេងៗមិនប្រក្រតីនៃកុំព្យូទ័ររបស់អ្នក
- ស្វែងរកប្រភេទ Rootkit នៅក្នុង Google Search ដើម្បីស្វែងរកវិធីទប់ស្កាត់ និងកំចាត់
ព័ត៌មានលម្អិតបន្ថែមក្នុងការស្វែងរក Rootkit ក្នុងម៉ាស៊ីនកុំព្យូទ័រប្រតិបត្តិការប្រព័ន្ធ Window:
https://www.microsoft.com/en-us/wdsi/help/prevent-malware-infection
សម្រាប់ការស្វែងរក Rootkit នៅក្នុងម៉ាស៊ីនកុំព្យូទ័រមេប្រតិបត្តិការប្រព័ន្ធ Linux អ្នកអាចប្រើប្រាស់កម្មវិធីខាងក្រោម:
៤. វេបសាយពាក់ព័ន្ធ៖
https://searchsecurity.techtarget.com/definition/rootkit
https://www.microsoft.com/en-us/wdsi/threats/rootkits
https://www.microsoft.com/en-us/wdsi/help/prevent-malware-infection
***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.
