១. ព័ត៌មានទូទៅ
ក្រុមហ៊ុនម៉ៃក្រូសូហ្វបានធ្វើការចេញផ្សាយនូវបញ្ជីចំនុចខ្សោយចំនួន ៦២ ដែលមានផលប៉ះពាល់ទៅដល់ផលិតផលរបស់ខ្លួនក្នុងចំណោមនោះមាន ៩ចំណុច ត្រូវបានចាត់ទុកថាមានលក្ខណៈធ្ងន់ធ្ងរបំផុត។ ការវាយលុកដោយជោគជ័យទៅលើចំណុចខ្សោយធ្ងន់ធ្ងរទាំង ៩ នេះ អាចអនុញ្ញាតឱ្យមានការដំណើរការកូដពីចម្ងាយ ដោយចោរបច្ចេកវិទ្យា ឬហេកគ័រ ចំណុចចខ្សោយទាំង ៩ នោះ មានដូចខាងក្រោម៖
- CVE-2022-41049, CVE-2022-41091: ចំណុចខ្សោយនេះមាននៅក្នុងកម្មវិធី Windows Mark of the Web functionality ដោយសារតែកម្មវិធីមិនបានធ្វើការត្រួតពិនិត្យកម្រិតសុវត្ថិភាពឱ្យបានត្រឹមត្រូវដែលអាចអនុញ្ញាតឱ្យចោរព័ត៌មានវិទ្យា ឬហេកគ័រ អាចធ្វើការរំលងប្រព័ន្ធសុវត្ថិភាព (bypass) ពីការរឹតបណ្តឹងសន្តិសុខ និងអាចចូលប្រើប្រាស់នូវទិន្នន័យ ឬធ្វើការកែប្រែ ព័ត៌មាន នៅលើប្រព័ន្ធដែលរងផលប៉ះពាល់បាន
- CVE-2022-41073: ចំណុចខ្សោយនេះមាននៅក្នុងកម្មវិធី Microsoft Windows Print Spooler service ដោយសារតែកម្មវិធីមានកំហុសឆ្គង boundary នៅក្នុងប្រព័ន្ធ Trigger memory។ ចោរព័ត៌មានវិទ្យា ឬហេកគ័រ អាចធ្វើការវាយប្រហារពីចម្ងាយបាន ដោយផ្ញើសំណើពិសេសទៅកាន់អង្គចងចាំបង្កឱ្យមានការខូចខាត និងប្រតិបត្តិកូដបំពាន នៅលើប្រព័ន្ធដែលរងផលប៉ះពាល់បានដោយជោគជ័យ
- CVE-2022-41125: ចំណុចខ្សោយនេះមាននៅក្នុងកម្មវិធី Microsoft Windows CNG Key Isolation Service ដោយសារតែកម្មវិធីមានកំហុសឆ្គង boundary នៅក្នុងប្រព័ន្ធ Trigger memory។ ចោរព័ត៌មានវិទ្យា ឬហេកគ័រ អាចធ្វើការវាយប្រហារពីចម្ងាយបាន ដោយផ្ញើសំណើពិសេសទៅកាន់អង្គចងចាំបង្កឱ្យមានការខូចខាត និងប្រតិបត្តិកូដបំពាន នៅលើប្រព័ន្ធដែលរងផលប៉ះពាល់បានដោយជោគជ័យ
- CVE-2022-41118, CVE-2022-41128: ចំណុចខ្សោយនេះមាននៅក្នុងកម្មវិធី Microsoft Windows Scripting Languages ដោយសារតែកម្មវិធីមិនបានធ្វើការត្រួតពិនិត្យឱ្យបានត្រឹមត្រូវនៅពេលអ្នកប្រើប្រាស់ធ្វើការបញ្ចូលព័ត៌មាន ដែលអាចអនុញ្ញាតឱ្យចោរព័ត៌មានវិទ្យា ឬហេកគ័រ អាចធ្វើការផ្ញើសំណើពិសេសមួយចំនួន និងធ្វើប្រតិបត្តិកូដបំពាននៅលើប្រព័ន្ធដែលជាគោលដៅបានដោយជោគជ័យ
- CVE-2022-3602, CVE-2022-3786: ចំណុចខ្សោយនេះមាននៅក្នុងកម្មវិធី openssl ដោយសារតែកម្មវិធីមានកំហុសឆ្គង boundary នៅពេលដំណើរការអាសយដ្ឋានអ៊ីមែលនៅខាងក្នុងវិញ្ញាបនបត្រ ៥០៩។ ចោរព័ត៌មានវិទ្យា ឬហេកគ័រ អាចធ្វើការវាយប្រហារពីចម្ងាយបាន ដោយផ្ញើសំណើពិសេសទៅកាន់អង្គចងចាំបង្កឱ្យមានការខូចខាត និងប្រតិបត្តិកូដបំពាន នៅលើប្រព័ន្ធដែលរងផលប៉ះពាល់បានដោយជោគជ័យ
២. ផលិតផលម៉ៃក្រូសូហ្វដែលរងផលប៉ះពាល់
- – Active Directory Domain Services
- – Azure
- – Azure Arc
- – Client Server Run-time Subsystem (CSRSS)
- – Microsoft Edge (Chromium-based)
- – Microsoft Graphics Component
- – Microsoft Office
- – Microsoft Office SharePoint
- – Microsoft Office Word
- – Microsoft WDAC OLE DB provider for SQL
- – NuGet Client
- – Remote Access Service Point-to-Point Tunneling Protocol
- – Role: Windows Hyper-V
- – Service Fabric
- – Visual Studio Code
- – Windows Active Directory Certificate Services
- – Windows ALPC
- – Windows CD-ROM Driver
- – Windows COM+ Event System Service
- – Windows Connected User Experiences and Telemetry
- – Windows CryptoAPI
- – Windows Defender
- – Windows DHCP Client
- – Windows Distributed File System (DFS)
- – Windows DWM Core Library
- – Windows Event Logging Service
- – Windows Group Policy
- – Windows Group Policy Preference Client……
៣. ផលវិបាក
ការវាយប្រហារដោយជោគជ័យទៅលើចំនុចខ្សោយខាងលើនេះ អាចអនុញ្ញាតឱ្យចោរព័ត៌មានវិទ្យា ឬហេកគ័រដំណើរការនូវកូដនានាពីចម្ងាយហើយធ្វើការគ្រប់គ្រងទៅលើម៉ាស៊ីនរងគ្រោះ ដើម្បីធ្វើសកម្មភាពមិនអនុញ្ញាតនានា រួមមានការដំឡើងកម្មវិធី បង្កើតនូវគណនីអភិបាលផ្សេងទៀត និងការបើកផ្លាស់ប្តូរ ឬលុបទិន្នន័យនានា។
៤. អនុសាសន៍ណែនាំ
អ្នកប្រើប្រាស់ និងអ្នកគ្រប់គ្រងប្រព័ន្ធត្រូវតែធ្វើការអាប់ដេតជាបន្ទាន់។
៥. ឯកសារពាក់ព័ន្ធ
***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.
