១. ព័ត៌មានទូទៅ
ក្រុមហ៊ុន Apple បានចេញសេចក្តីណែនាំសន្តិសុខស្ដីពីការអាប់ដេតជួសជុលចន្លោះប្រហោង (ចំណុចខ្សោយ) មួយចំនួនក្នុងផលិតផលរបស់ខ្លួន នាខែមេសា ឆ្នាំ២០២៣។ ចំណុចខ្សោយទាំងនេះមានលក្ខណៈធ្ងន់ធ្ងរ ហើយទាមទារឱ្យមានការយកចិត្តទុកដាក់និងមានវិធានការធ្វើការអាប់ដេតជាបន្ទាន់។
២. ផលិតផលដែលរងផលប៉ះពាល់
- iOS 15.7.4 និង iPadOS 15.7.4
- macOS Monterey 12.6.4
- macOS Big Sur 11.7.5
- Safari 16.4.1
- iOS 16.4.1 និង iPadOS 16.4.1
- macOS Ventura 3.1
៣. ផលវិបាក
ចោរព័ត៌មានវិទ្យាឬហេកគ័រអាចវាយប្រហារលើចំណុចខ្សោយដែលមានក្នុងផលិតផលខាងលើនេះ ធ្វើឱ្យគាំងប្រព័ន្ធ ទទួលសិទ្ធិលួចមើលព័ត៌មានសំខាន់ៗឬដំណើរការកូដពីចម្ងាយដើម្បីគ្រប់គ្រងប្រព័ន្ធដែលរងគ្រោះ។
៤. អនុសាសន៍ណែនាំ
អ្នកប្រើប្រាស់ផលិតផលប៉ះពាល់គួរអាប់ដេតកម្មវិធីទៅកាន់កំណែថ្មីបំផុតជាបន្ទាន់។ ដើម្បីអាប់ដេតកម្មវិធីដោយខ្លួនឯង អ្នកប្រើប្រាស់អាចជ្រើសយកម៉ីនុយ Setting បន្ទាប់មកជ្រើសយកពាក្យ Software Update ។ កម្មវិធីប៉ះពាល់ក៏អាចអាប់ដេតដោយស្វ័យប្រវត្តិនៅពេលមានកំណែថ្មីត្រូវបានផ្សព្វផ្សាយ (ប្រសិនបើក្នុងកម្មវិធីមានកំណត់មុខងារអាប់ដេតដោយស្វ័យប្រវត្តិ)។
កំណែថ្មីនៃផលិតផលប៉ះពាល់ដែលអ្នកប្រើប្រាស់អាចអាប់ដេតទៅមានដូចខាងក្រោម៖
- iOS 15.7.4 និង iPadOS 15.7.4 អាចធ្វើការអាប់ដេតទៅកំណែ iOS 15.7.5 និង iPadOS 15.7.5 នៅលើឧបករណ៍ iPhone 6s, iPhone 7 គ្រប់ម៉ូដែល, iPhone SE ជំនាន់១, iPad Pro គ្រប់ម៉ូដែល, iPad Air 2 និងជំនាន់ចុងក្រោយ, iPad ជំនាន់5 និងជំនាន់ចុងក្រោយ, iPad mini ជំនាន់4 និងជំនាន់ចុងក្រោយ, និង iPod touch ជំនាន់7
- macOS Monterey 12.6.4 អាចធ្វើការអាប់ដេតទៅកំណែ macOS Monterey 12.6.5 នៅលើឧបករណ៍ macOS Monterey
- macOS Big Sur 7.5 អាចធ្វើការអាប់ដេតទៅកំណែ macOS Big Sur 11.7.6 នៅលើឧបករណ៍ macOS Big Sur
- Safari 16.4 អាចធ្វើការអាប់ដេតទៅកំណែ Safari 16.4.1 បាននៅលើឧបករណ៍ macOS Big Sur និង macOS Monterey
- iOS 16.4 និង iPadOS 16.4 អាចធ្វើការអាប់ដេតទៅកំណែ iOS 16.4.1 និង iPadOS 16.4.1 នៅលើឧបករណ៍ iPhone 8 និងជំនាន់ចុងក្រោយ, iPad Pro (គ្រប់ម៉ូដែល), iPad Air ជំនាន់3 និងជំនាន់ចុងក្រោយ, iPad ជំនាន់5 និងជំនាន់ចុងក្រោយ, និង iPad mini ជំនាន់5 និងជំនាន់ចុងក្រោយ
- macOS Ventura 13.3 អាចធ្វើការអាប់ដេតទៅកំណែ macOS Ventura 13.3.1 បាននៅលើឧបករណ៍ macOS Ventura
៥. ឯកសារពាក់ព័ន្ធ
- https://www.cisa.gov/news-events/alerts/2023/04/11/apple-releases-security-updates-multiple-products
- https://support.apple.com/en-us/HT213723
- https://support.apple.com/en-gb/HT213724
- https://support.apple.com/en-gb/HT213725
- https://support.apple.com/en-gb/HT213722
- https://support.apple.com/en-gb/HT213720
- https://support.apple.com/en-gb/HT213721
