១. ព័ត៌មានទូទៅ
ការការពារអាជីវកម្មរបស់អ្នកពីការគំរាមកំហែងសន្តិសុខសាយប័រមានសារៈសំខាន់ណាស់។ ការបោកប្រាស់ ការវាយប្រហារតាមរយៈអ៊ីមែល កម្មវិធីព្យាបាទអាចធ្វើអោយខាតបង់ថវិកានិងពេលវេលាយ៉ាងច្រើន។ ចោរបច្ចេកវិទ្យា ឬហេកគ័រ អាចធ្វើការគ្រប់គ្រងទិន្នន័យ នឹងធ្វើឱ្យខូចកេរ្តិ៍ឈ្មោះរបស់ក្រុមហ៊ុន ឬអាជីវកម្មអ្នកផងដែរ។ អនុវត្តតាមជំហានទាំងនេះ ដើម្បីពង្រឹងអាជីវកម្មរបស់អ្នកប្រឆាំងនឹងការគំរាមកំហែងតាមអ៊ីនធឺណិត។
២. ការពារព័ត៌មានគណនីអាជីវកម្ម និងឧបករណ៍របស់អ្នក
ដើម្បីការពារអាជីវកម្ម និងបុគ្គលិករបស់អ្នកពីការគំរាមកំហែងសន្តិសុខសាយប័រ អ្នកគួរតែអនុវត្តតាមជំហានខាងក្រោម៖
- បើកការផ្ទៀងផ្ទាត់ពហុកត្តា
- ប្រើពាក្យសម្ងាត់ឬឃ្លាសម្ងាត់ខ្លាំង
- ការធ្វើបច្ចុប្បន្នភាពកម្មវិធីជាប្រចាំ
- ធ្វើការបម្រុងទុកព័ត៌មាន
- ការពារទិន្នន័យអាជីវកម្មរបស់អ្នក
- អប់រំបុគ្គលិក។
៣. ការពារព័ត៌មានរបស់អតិថិជន
ការរក្សាព័ត៌មានរបស់អតិថិជនឱ្យមានសុវត្ថិភាពគឺជាទំនួលខុសត្រូវយ៉ាងសំខាន់សម្រាប់អាជីវកម្ម។ ការបាត់បង់ ឬព័ត៌មានត្រូវបានគ្រប់គ្រងដោយចោរបច្ចេកវិទ្យា ឬហេកគ័រ នឹងអាចធ្វើឱ្យខូចកេរ្តិ៍ឈ្មោះអាជីវកម្មរបស់អ្នក ហើយអាចបង្កឱ្យមានផលវិបាកផ្នែកច្បាប់។ ត្រូវប្រាកដថាអាជីវកម្មរបស់អ្នក៖
- វិនិយោគ និងផ្តល់នូវបរិយាកាសអនឡាញដែលមានសុវត្ថិភាពសម្រាប់ប្រតិបត្តិការ
- ធានានូវព័ត៌មានឯកជនរបស់អតិថិជនត្រូវបានរក្សាទុកដោយយកចិត្តទុកដាក់
- ប្រសិនបើអាជីវកម្មរបស់អ្នកមានការទូទាត់តាមអ៊ីនធឺណិត អ្នកគួរស្វែងយល់ពីច្រកផ្តល់សេវាទូទាត់របស់អ្នក ដើម្បីការពារពីការក្លែងបន្លំការទូទាត់តាមអ៊ីនធឺណិត។
៤. បង្កើតគោលការណ៍សន្តិសុខសាយប័រ
គោលការណ៍សន្តិសុខសាយប័រជួយបុគ្គលិករបស់អ្នកឱ្យយល់ពីទំនួលខុសត្រូវរបស់ពួកគេនៅពេលពួកគេប្រើប្រាស់ ឬចែករំលែក៖
- ទិន្នន័យ
- កុំព្យូទ័រ និងឧបករណ៍នានា
- អ៊ីមែល និង
- គេហទំព័រអ៊ីនធឺណិត។
៥. បង្កើតផែនការគ្រប់គ្រងគ្រាអាសន្ន
ផែនការគ្រប់គ្រងគ្រាអាសន្នអាចកាត់បន្ថយផលប៉ះពាល់នៃការវាយប្រហារសន្តិសុខសាយប័រ និងផ្តល់ផែនការ សកម្មភាព ប្រសិនបើអ្នកត្រូវការឆ្លើយតបទៅនឹងឧប្បត្តិហេតុសន្តិសុខសាយប័រ។ នៅពេលបង្កើតផែនការគ្រប់គ្រងគ្រាអាសន្ន អ្នកគួរត្រូវពិចារណាអំពី៖
- ដំណើរការដើម្បីរាយការណ៍អំពីឧប្បត្តិហេតុសន្តិសុខសាយប័រ
- របៀបទំនាក់ទំនងទៅកាន់បុគ្គលិក ឬអតិថិជនពាក់ព័ន្ធនឹងឧប្បត្តិហេតុសន្តិសុខសាយប័រ
- របៀបគ្រប់គ្រងអាជីវកម្មរបស់អ្នកអំឡុងពេលមានឧប្បត្តិហេតុសន្តិសុខសាយប័រ
៦. ពិចារណាទទួលយកការធានារ៉ាប់រងសន្តិសុខសាយប័រ
ការចំណាយលើការដោះស្រាយឧប្បត្តិហេតុសន្តិសុខសាយប័រអាចមានច្រើនបន្ថែមពីលើការជួសជុលមូលដ្ឋានទិន្នន័យ ការពង្រឹងសុវត្ថិភាព ឬការប្ដូរកុំព្យូទ័រយួរដៃថ្មីទៀត។ ការធានារ៉ាប់រងសន្តិសុខសាយប័រ អាចជួយអាជីវកម្មរបស់អ្នកពាក់ព័ន្ធនឹងការចំណាយទៅលើការស្តារឡើងវិញពីការវាយប្រហារ។
៧. ឯកសារពាក់ព័ន្ធ
- – https://business.gov.au/online-and-digital/cyber-security/cyber-security-checklist
