១.ព័ត៌មានទូទៅ
តេឡេក្រាម (Telegram) ជាប្រព័ន្ធកម្មវិធីផ្ញើសារដោយឥតគិតថ្លៃតាមរយៈប្រព័ន្ធអ៊ីនធឺណិត ដែលកំពុងមានការពេញនិយម ក្នុងការប្រើប្រាស់បំពេញតម្រូវការ ការងារ ផ្សព្វផ្សាយព័ត៌មាន ឬអាជីវកម្មជាដើម។ ទន្ទឹមនឹងការពេញនិយមនេះ ក៏ជាឱកាសមួយដែលចោរព័ត៌មានវិទ្យា/ហេកគ័រ បានផ្តោតការវាយប្រហារតាមរយៈមធ្យោបាយផ្សេងៗដូចជា ការលួចចូលគណនីរបស់អ្នកប្រើប្រាស់ ការបោកបញ្ឆោតផ្សេងៗដោយផ្ញើតំណរភ្ជាប់ https://telegrams.org-web.net//?rcd បូករួមការសរសេខ្លឹមសារថា “អ្នកបានប្រព្រឹត្តខុសពីរ គោលការណ៍របស់ក្រុមហ៊ុន Telegram តម្រូវអោយអ្នកប្រើប្រាស់ធ្វើការបំពេញការផ្ទៀងផ្ទាត់ឡើងវិញ ដើម្បីប្រាកដថាគណនីរបស់អ្នកមិនមានបញ្ហាអី។ ប្រសិនបើការផ្ទៀងផ្ទាត់នោះមិនត្រឹមត្រូវគណនី របស់អ្នកនឹងត្រូវបានលុបក្នុងរយៈពេល 24 ម៉ោង ដោយតម្រូវអោយអ្នកទទួលបានសារធ្វើការចុចលើតំណរភ្ជាប់វេបសាយនិងបំពេញព័ត៌មាន”។ សូមចចាំងថា គណនីរបស់ក្រុមហ៊ុន Telegram ផ្លូវការគឺមានសញ្ញាគ្រីសពណ៌ខៀវ តែមួយគត់ (ប្រសិនបើអ្នកឃើញសារ ឬក៏ខ្លឹមសារ ស្រដៀងនឹងខ្លឹមសារខាងលើ សូមកុំធ្វើតាមការណែនាំ ឬចុចនៅលើតំណរភ្ជាប់)។
២.វិធីសាស្ត្រនៃការបោកប្រាស់
ពេលដែលអ្នកបានចុចទៅលើវេបសាយនេះ វានឹងនាំអ្នកប្រើប្រាស់ទៅកាន់វេបសាយ Telegram បោកប្រាស់មួយ ដើម្បីឱ្យអ្នកធ្វើតាមការណែនាំដោយតម្រូវបញ្ចូលព័ត៌មានទៅកាន់ចោរបច្ចេកវិទ្យា៖ វេបសាយនេះត្រូវបានចាត់ទុកថាមានបញ្ហា (វេបសាយមិនត្រឹមត្រូវ) ឬជាប្រភេទ Phishing វេបសាយ ដែលមានគោលបំណងលួចអត្តសញ្ញាណ Telegram របស់អ្នកប្រើប្រាស់ (ប្រសិនបើអ្នកបញ្ចូល លេខទូរស័ព្ទ) ទៅក្នុងនោះ! សូមជៀសវាងការចុច ហើយបំពេញលេខទូរស័ព្ទរបស់អ្នក។ ចោរបច្ចេកវិទ្យា អាចប្រើប្រាស់ Telegram របស់អ្នក (ដោយបន្លំអត្តសញ្ញាណ) ហើយអាចប្រព្រឹត្តិអំពីខុសច្បាប់ ផ្សេងៗ។
៣.ដំណោះស្រាយ
បើសិនជាអ្នកបានចុច រួចបញ្ចូលព័ត៌មានទៅតាមការបោកបញ្ជោតនោះ សូមធ្វើតាមការណែនាំខាងក្រោម៖
សម្រាប់ Android:
Setting >> Privacy and Security >> Active Sessions ហើយរកមើល Sessions ដែលមិនមែនរបស់ឧបករណ៍របស់ខ្លួន ហើយបិទ (end) វា!
សម្រាប់ iOS:
Settings >> Devices ហើយរកមើល Session ដែលមិនមែនរបស់ឧបករណ៍របស់ខ្លួន ហើយបិទ (end) វា។
សូមមានការប្រុងប្រយ័ត្នខ្ពស់ជាប់ជានិច្ច ក្នុងពេលប្រើប្រាស់បច្ចេកវិទ្យា។
***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.
