រាជធានីភ្នំពេញ៖ កាលពីថ្ងៃទី០៦ ខែធ្នូ ឆ្នាំ២០១៩ នៅសាលធំរបស់ផ្សាទំនើប AEON Mall 2 មានការរៀបចំទិវាសហគ្រិនស្ត្រីកម្ពុជា Cambodia Women Entrepreneurship Day (CWED) 2019 លើកទី១ របស់ខ្លួនក្រោមអធិបតីភាពរបស់ លោកជំទាវវេជ្ជ. អ៊ឹង កន្ថាផាវី រដ្ឋមន្ត្រីនៃក្រសួងកិច្ចការនារី និង លោកជំទាវទន្តបណ្ឌិត អេង លីគង់ ប្រធានក្រុមប្រឹក្សាភិបាលនៃសមាគមសហគ្រិនស្ត្រីកម្ពុជា ដើម្បីអបអរចំពោះការច្នៃប្រឌិត ការផ្តល់សិទ្ធិអំណាច និង ពង្រឹងភាពអង់អាចដល់ភាពជាសហគ្រិនស្ត្រី និង ភាពជាអ្នកដឹកនាំស្ត្រី ទូទាំងពិភពលោក ។
បដិវត្តឌីជីថលអាចធ្វើឲ្យប្រសើរឡើងនូវការចូលរួមរបស់ស្ត្រីនៅក្នុងឆាកជីវិតប្រចាំថ្ងៃ និងបង្កើនការចូលរួមផ្នែកសេដ្ឋកិច្ចនិងសង្គមរបស់ស្ត្រីថែមទៀត។ តើរឿងនេះនឹងជះឥទ្ធិពល យ៉ាងដូចម្តេចទៅលើអាជីវកម្ម បែបប្រពៃណី? តើសហគ្រិនស្រ្តីនឹងគិតពីការរុះរើកម្លាំងពលកម្មឡើងវិញទេ? តើអ្នកណាដែលអាចជួយស្ត្រីឲ្យជៀសវាងពីការខាតបង់ដ៏ធំធេងដែលគួរស្អប់ខ្ពើមពីស្វ័យប្រវត្តិកម្ម? តើអ្នកណាជាអ្នកអាចទាយទុកជាមុនបានថាអ្វីទៅជាជំនាញ និង ប្រទេសណាជាប្រទេសដែលមានសក្ដានុពលការងារក្រោយពីត្រូវ បានគេយកចិត្តទុកដាក់ក្នុងរយៈពេល២ទសវត្សរ៍បន្ទាប់? ដូច្នះហើយ ផលប៉ះពាល់នៃឌីជីថលលើទីផ្សារការងារនៅក្នុងប្រទេសកំពុងរីកចម្រើននិងកំពុងអភិវឌ្ឍ មិនអាចលាក់ជិតបានយូរឡើយ។ ទីបំផុតពិភពលោកត្រូវតែបង្ខំចិត្តបើកកកាយចេញមក។ជំនាញសង្គមដែលមានធនធានសមត្ថភាពជាស្ត្រី អាចត្រូវបានអភិវឌ្ឍបន្ថែមទៀតនៅក្នុងជំនាញនិងចំណេះដឹងអក្ខរកម្មឌីជីថល ហើយវាអាចនឹងត្រួសត្រាយផ្លូវសម្រាប់ ស្ត្រីចូលទៅក្នុងប្រភេទនៃការគ្រប់គ្រងការងារ និងប្រភេទនៃភាពជាអ្នកដឹកនាំដែលល្អប្រសើរជាងមុន ឬអាចជួយឲ្យស្ត្រីប្រកបអាជីវកម្មតាមផ្ទះបានល្អប្រសើរជាងមុន ។
លោក អ៊ូ ផាន់ណារិទ្ធ ប្រធាននាយកដ្ឋានសន្តិសុខបច្ចេកវិទ្យាគមនាគមន៍ និងព័ត៌មាន នៃក្រសួងប្រៃសណីយ៍និងទូរគមនាគមន៍ ត្រូវបានអញ្ជើញចូលរួមជាវាគ្មិនកិត្តិយសនៅក្នុងកម្មវិធីពិភាក្សាក្រោមប្រធានបទ “E-Government សម្រាប់កំណើនសេដ្ឋកិច្ច និងការគាំទ្រដល់សហគ្រិនស្ត្រី” ។
លោកប្រធាននាយកដ្ឋានបានលើកយកបទពិសោធន៍ពាក់ព័ន្ធទៅនឹងការងារឆ្លើយតបទៅនឹងទប់ស្កាត់ការវាយប្រហារពីប្រព័ន្ធអុិនធឺណិត និងការងារពាក់ព័ន្ធទៅនឹងឧក្រិដ្ឋកម្មតាមប្រព័ន្ធបច្ចេកវិទ្យាគមនាគមន៍ និងព័ត៌មាន (Cybercrime) ។ លោកក៏បានលើកយកប្រធានបទពាក់ព័ន្ធទៅនឹងការបោកប្រាស់តាមប្រព័ន្ធអ៊ិនធឺណិតដែលពាក់ព័ន្ធភាគច្រើនដល់សហគ្រាសធុនតូច និងមធ្យមផងដែរ៕
***Disclaimer: CamCERT own some of the content. Our purpose is pure to help spread the awareness, tips or other information related to security to everyone. Even though every information is true, accurate, completed and appropriate, we make no responsibility nor warranty since everything could go wrong.
