នាព្រឹកថ្ងៃអង្គារ ៣រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៧ ខែកុម្ភៈ ឆ្នាំ២០២៤ នៅក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ (ក.ស.វ.) បានរៀបចំកម្មវិធីវគ្គបណ្តុះបណ្តាលស្តីពី ទិដ្ឋភាពទូទៅនៃសន្តិសុខលំហអុីនធឺណិត (Cyberspace) ដោយ លោក អ៊ូ ផាន់ណារិទ្ធិ ប្រធាននាយកដ្ឋានសន្តិសុខបច្ចេកវិទ្យាគមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាគមន៍ ក្រោមអធិបតីភាពរបស់ ឯកឧត្តម ចែម ផល្លា អនុប្រធានក.ស.វ. ដោយមានការចូលរួមពីឯកឧត្តមអគ្គលេខាធិការ ឯកឧត្តម លោកជំទាវ អគ្គលេខាធិការរង លោកជំទាវទីប្រឹក្សាបច្ចេកទេស លោក លោកស្រី អ្នកនាងកញ្ញា ប្រធានផ្នែក អនុប្រធានផ្នែក និងមន្រ្តីអគ្គលេខាធិការដ្ឋានក.ស.វ. ព្រមទាំងមន្រ្តីខុទ្ទកាល័យ និងឯកឧត្តម លោកជំទាវ លោក លោកស្រី អ្នកនាងកញ្ញា ពីអគ្គនាយកដ្ឋាន និង សសយក នៃទីស្តីការគណៈរដ្ឋមន្រ្តី។
