១. ព័ត៌មានទូទៅ
កម្មវិធីប្រភពបើកចំហ (OSS) គឺជាប្រភេទនៃកម្មវិធីដែលនរណាក៏ដោយក៏អាចត្រួតពិនិត្យ កែប្រែ និងចែកចាយកូដប្រភពបានដោយសេរី។
២. លក្ខណៈសំខាន់ៗនៃកម្មវិធីប្រភពបើកចំហ៖
- ឥតគិតថ្លៃក្នុងការប្រើប្រាស់៖ អ្នកអាចទាញយក និងប្រើប្រាស់កម្មវិធីប្រភពបើកចំហដោយមិនចាំបាច់បង់ថ្លៃអាជ្ញាប័ណ្ណ។
- អាជ្ញាប័ណ្ណប្រភពបើកចំហ៖ កម្មវិធីត្រូវបានចេញផ្សាយក្រោមអាជ្ញាប័ណ្ណប្រភពបើកចំហ ដែលផ្តល់សិទ្ធិសំខាន់ដល់អ្នកប្រើប្រាស់ ដែលអាចឱ្យអ្នកប្រើប្រាស់សិក្សា កែប្រែ និងចែកចាយកម្មវិធី។
- ការអភិវឌ្ឍន៍ដែលជំរុញដោយសហគមន៍៖ កម្មវិធីប្រភពបើកចំហជារឿយៗត្រូវបានបង្កើតឡើងដោយសហគមន៍អ្នកសរសេរកម្មវិធីដែលសហការគ្នាដើម្បីកែលម្អកម្មវិធី។ វិធីសាស្រ្តសហការនេះនាំទៅរកការច្នៃប្រឌិតនិងការកែកំហុសយ៉ាងឆាប់រហ័ស ។
- តម្លាភាព៖ លក្ខណៈបើកចំហនៃកូដប្រភពអនុញ្ញាតឱ្យមានតម្លាភាព និងគណនេយ្យភាព។ អ្នកប្រើប្រាស់អាចត្រួតពិនិត្យកូដ ដើម្បីធានាសុវត្ថិភាព និងភាពជឿជាក់។
៣. អត្ថប្រយោជន៍នៃកម្មវិធីប្រភពបើកចំហ៖
- ប្រសិទ្ធភាពនៃការចំណាយ៖ កម្មវិធីប្រភពបើកចំហភាគច្រើនមិនគិតថ្លៃ ឬមានតម្លៃទាបខ្លាំង ដែលជួយសន្សំប្រាក់ដល់អង្គភាពយ៉ាងច្រើនពីការចំណាយលើថ្លៃទិញអាជ្ញាប័ណ្ណ។
- សុវត្ថិភាព៖ កម្មវិធីប្រភពបើកចំហមានសហគមន៍ដ៏ធំអ្នកអភិវឌ្ឍន៍ធំៗ ដែលរួមគ្នាពិនិត្យកូដ ធ្វើឱ្យវាកាន់តែមានសុវត្ថិភាព និងមិនងាយមានភាពងាយរងគ្រោះ។
- ភាពបត់បែន៖ កម្មវិធីប្រភពបើកចំហអាចត្រូវបានកែប្រែដើម្បីបំពេញតាមតម្រូវការ ធ្វើឱ្យមានភាពងាយស្រួលក្នុងការសម្របកម្មវិធីទៅនឹងបរិបទផ្សេងៗ។
- ការច្នៃប្រឌិត៖ លក្ខណៈសហការនៃការអភិវឌ្ឍន៍ប្រភពបើកចំហ ជំរុញការបង្កើតថ្មី និងការបង្កើតមុខងារ ថ្មីៗ។
- ភាពអាចជឿជាក់បាន៖ កម្មវិធីប្រភពបើកចំហភាគច្រើនអាចទុកចិត្តបាន ដោយសារមានការធ្វើតេស្ត និងការជួសជុលកំហុសដោយសហគមន៍យ៉ាងទូលំទូលាយ
៤. ឧទាហរណ៍នៃកម្មវិធីប្រភពបើកចំហពេញនិយម៖
- ប្រព័ន្ធប្រតិបត្តិការ៖ Linux, Android
- ម៉ាស៊ីនមេគេហទំព័រ៖ សេវាកម្មវេបសាយ Apache HTTP, Nginx
- ភាសាសរសេរកម្មវិធី៖ Python, Java, PHP
- កម្មវិធីមូលដ្ឋានទិន្នន័យ៖ MySQL, PostgreSQL
- កម្មវិធីរុករកតាមអ៊ីនធឺណិត៖ Firefox, Chromium
- ថ្នាលពពក៖ OpenStack, Kubernetes
៥. ឯកសារពាក់ព័ន្ធ
- https://www.blackduck.com/glossary/what-is-open-source-software.html
