រាជធានីភ្នំពេញ៖ នាព្រឹកថ្ងៃទី៣០ និង៣១ ខែសីហា ឆ្នាំ២០១៨ នៅសាលប្រជុំធំរបស់ក្រសួងប្រៃសណីយ៍ និងទូរគមនាគមន៍ មានបើកសិក្ខាសាលាស្តីអំពី “ការពង្រឹងសេវាឌីជីថលរដ្ឋាភិបាលនិងសន្តិសុខបច្ចេកវិទ្យាគមនាគមន៍និងព័ត៌មាន” ក្រោមអធិបតីភាពឯកឧត្តម ជុន វ៉ាត អគ្គនាយក នៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន ដោយមានសិក្ខាកាមសរុបចំនួន ៧៥នាក់ ជាមន្រ្តីរាជការថ្នាក់កណ្តាលរបស់ក្រសួងប្រៃសណីយ៍និងទូរគមនាគមន៍ មន្ត្រីរាជការអញ្ជើញមកពីបណ្តាក្រសួងស្ថាប័នចំនួន២៧។
សិក្ខាសាលានេះត្រូវបានរៀបចំឡើងដោយនាយកដ្ឋានរដ្ឋាភិបាលអេឡិកត្រូនិក (e-government Dept.) សហការជាមួយនាយកដ្ឋានសន្តិសុខបច្ចេកវិទ្យាគមនាគមន៍និងព័ត៌មាន (ICT Security Dept.) នៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន។ សិក្ខាសាលានេះរៀបចំឡើងក្នុងគោលបំណងចែករំលែកបទពិសោធន៍ល្អៗស្តីពីនិន្នាការ និងសូច្ចនាករនៃការអភិវឌ្ឍសេវាឌីជីថលរដ្ឋាភិបាលចំណេះដឹងមូលដ្ឋានសន្តិសុខបច្ចេកវិទ្យាគមនាគមន៍និងព័ត៌មាន រួមទាំងគន្លឺះសំខាន់ៗទាក់ទងនិងសុវត្ថិភាពក្នុងការប្រើប្រាស់អ៊ីម៉ែល បណ្តាញសង្គម និងវេបសាយ៕
